عن فيلم The Martian (2015)

 الفيلم مدته ساعتين و نص تقريبا من الواضح ان النية فى الاساس انه يكون فيلم عظيم عن تجربة الحياة منفردا خارج كوكب الارض و كيفية استخدام العلم للنجاة و العودة للارض

صناع الفيلم كانو مجبرين انهم يقتبسو او يحطو نفسهم فى مقارنة مع مجموعة افلام تانية ناقشت نفس مشاكل الفيلم يعنى ممكن نقول ان الفيلم هو خليط من castaway و apollo 13 و بعض اللقطات من gravity و اخيرا مجموعة افلام النيزك ال هيدمر الارض و اتحاد الشعوب و الحكومات و متابعة عملية تدميره على الشاشات العملاقة رغم ان مفيش نيازك فى الفيلم

بطل الفيلم كان شخصية شبه ثابتة رغم طول الفيلم البطل مرح و بيهزر مش بيجيله اوقات احباط و معندوش اشخاص مستنيينه فى الارض و عاوز يرجعلهم معندوش ضغينة لفريقه او ناسا و ماينفعش يقارن دوره بدور توم هانكس فى castaway و دة الشىء الاساسى ال مخلينى اعتبر الفيلم اقرب لبرنامج وثائقي على ناشونال جيوجرافيك

اخر الفيلم بيكون فيه شوية اكشن من بتوع gravity طبعا بشكل اضعف كتير و طريقة العودة للارض ال مش شايف فيها اى اثارة اكتر من فيلم red planet ال هو مش فيلم ناجح اساسا

اظن ان لو حد ماتفرجش على مجموعة الافلام دى هايعجبه فيلم The martian ... دة لو ما نامش فى نص الفيلم